Мбапе исвиркан на стадионот на Реал Мадрид: Брзо го промени изразот на лицето (видео)

Францускиот напаѓач Килијан Мбапе ја пропушти победата на Реал Мадрид против Атлетик синоќа во 32. коло од шпанската Примера.

Мбапе доби црвен картон во последното коло против Алавес и се чини дека на публиката во Мадрид не и’ недостасуваше бидејќи навивачите го исвиркаа на синоќешниот натпревар.

Имено, кога камерата го забележа на трибините и го покажа на екранот, имаше огромни свирежи за француската ѕвезда, што не е првпат оваа сезона.

Само што Французинот ги слушна свирежите, изразот му се промени и не остана рамнодушен што повторно треба да го слуша незадоволството на навивачите на Реал.

Причина за ова е незадоволството на навивачите на Реал по елиминацијата од Лигата на шампионите веќе во четврт-финалето од лондонски Арсенал.

Сепак, кралевите се во борба за уште два трофеи, Барса заостанува четири бода во првенството, а во сабота во финалето на Купот ќе се соочи со Барселона.

Доколку Реал Мадрид остане без трофеј оваа сезона, тоа ќе биде дебакл во вистинска смисла на зборот. Во Мадрид веќе се вклучи алармот, свирежите се се погласни и крајно време е Реал да се разбуди.