МВР: Граѓаните да не станат плен на измами со лажни сообраќајки, веднаш пријавете во полиција

Граѓаните во изминатиот период пријавиле во Министерството за внатрешни работи зголемен број на кривични дела „измама“ извршени врз постари лица. Насилниците измамувале лица со тоа што телефонски се претставувале како службени лица, најчесто полицајци, и барале парични средства за да ги ослободат од кривично гонење нивните деца или внуци кои, наводно, непосредно пред информацијата, учествувале во сообраќајна незгода со смрт.

Како што е најавено во денешното соопштение од МВР, измамниците најчесто контактираат со жртвите на фиксни телефони, но има случаи каде што биле контактирани и преку мобилен телефон со скриен број, додека за да биде поуверливо, во позадина се слуша глас кој бара помош.

„Министерството за внатрешни работи ги известува граѓаните дека се преземени мерки и активности за расчистување на досега пријавените казнени дела, а воедно ги повикуваме граѓаните да не станат плен на измами, а доколку се контактираат веднаш да пријават во полиција“, се вели во соопштението на МВР.