Мелем за изгореници од сонце! Помогнете и на вашата кожа со некои од намирниците од кујната

Доколку сте се вратиле од плажа или на екскурзија со црвен тен, сува и затегната кожа која е болна на допир, тоа значи дека не сте ги почитувале пропишаните мерки за заштита од сонце.

За жал, изгорениците од сонце не се забележуваат веднаш , но обично еден час или повеќе по изложувањето на сонце. Во тој случај, помогни си за некоја од намирниците кои ги имаш во кујната.

Прво изладете се

Најважниот третман за изгореници од сонце е да го разладите , затоа преземете мерки за ладење пред да пробате нешто друго. Потопете ја секоја област со ладна вода или ладна облога петнаесет минути. Студот го намалува отокот и ја одвлекува топлината од вашата кожа.

Зелениот чај содржи состојки кои помагаат во смирување на воспалението, па можете да го користите како облога. Сварете тенџере со зелен чај, почекајте да се излади, натопете крпа во чајот и употребете го како обвивка.
Исто така, направете чај од пеперминт или додадете две капки масло од пеперминт во чаша млака вода. Изладете ја оваа смеса, натопете мека крпа во неа и нежно намокрете ја областа со изгореници.

Олеснувачи на болка

Нежно истријте ги особено болните места кои страдале од сонцето со парчиња краставица или компир. И краставицата и компирот содржат соединенија за ладење кои помагаат да се намали отокот.

Оцетот има и благотворно дејство, помага во ублажување на болката, чешањето и воспалението. Потопете неколку листови кујнска крпа во бел (алкохол) или јаболков оцет и поставете ги на изгорените места. Оставете ги така додека хартијата не се исуши и повторете го третманот онолку често колку што сакате. Ако изгорениците ве чешаат, капете се во разладена вода со две чаши оцет.
Капсулите со витамин Е исто така ја ублажуваат болката, кршат една и ја ставаат на кожата.

Нанесете ја облогата

Нанесувањето јогурт или кисело млеко е добро познат метод за лекување на изгореници од сонце бидејќи ги ублажува симптомите како горење и затегнување на кожата.

Зацрвенетата кожа исчистете ја со чај од камилица, а потоа нанесете мешавина од белка од јајце, мед и хемемелис или само една од нив.

Нанесете тенок слој од чиста алое вера на болната кожа, користејќи свежо исечено парче од растението или гел што можете да го купите во аптеките. Ако купувате гел, проверете дали е 100% чиста алое вера.

Обидете се да нанесете крем кој содржи кантарион како лек за изгореници: ова лековито растение има антисептички и ублажувачки својства и се користи со векови за лекување на рани и изгореници. Меѓутоа, ако ја земате оваа билка орално, мора да се држите подалеку од сонце, бидејќи ја прави кожата чувствителна на УВ зраци.

Се вели дека пастата за заби ја ублажува болката од помали изгореници и е познато дека го спречува создавањето на плускавци.