Мета ќе ги ограничи чувствителните содржини за тинејџери на Инстаграм и Фејсбук

Технолошкиот гигант Мета во вторникот соопшти дека ќе ја скрие содржината чувствителна на тинејџерите од своите платформи Инстаграм и Фејсбук, поради глобалниот притисок од регулаторите за гигантот на социјалните медиуми да ги заштити малолетниците од штетната содржина на своите апликации.

Овие мерки ќе им отежнат на тинејџерите да наидат на чувствителни содржини како што се самоубиство, самоповредување и нарушувања во исхраната кога користат функции како што се пребарување и истражување на Инстаграм, според Мета.

Сите тинејџерски сметки автоматски ќе имаат контрола во однос на ограничување на содржината на Instagram и Facebook, а дополнителните термини за пребарување ќе бидат ограничени на Instagram.

„Сакаме тинејџерите да имаат безбедни искуства, соодветни на возраста во нашите апликации“, се вели во соопштението на Мета.

„Денес преземаме дополнителни заштитни мерки фокусирани на видовите содржини што тинејџерите ги гледаат на Инстаграм и Фејсбук“.