МЗ: Скрининг во Трубарево, голем интерес и успешна имплементација уште првиот ден

Министерството за здравство, во соработка со Клиниката за пулмологија, спроведува дводневен скрининг на населението во Трубарево, кој започна вчера.

Според првичните податоци од терен, првиот ден, на два пункта биле проверени вкупно 111 лица – 56 лица на Точка 1 и 55 лица на Точка 2.

„Здравствената состојба на пациентите е генерално добра, но кај 11 лица е утврдена иритација и непријатност во грлото, поради што се упатени на дополнителни прегледи на Клиниката за пулмологија. Скринингот вклучува клинички преглед, мерење на пулс, сатурација и проценка на виталниот капацитет.“

„Министерството за здравство и Клиниката за пулмологија денес продолжуваат со скрининг во Трубарево, со цел навремено откривање на потенцијални здравствени проблеми и подобрување на јавното здравје“, велат од Министерството за здравство.