Министерот за енергетика на Бугарија Румен Радев го започна проширувањето на надземниот дел од складиштето за гас во Чирен
Министерот за енергетика Румен Радев означи почеток на работите за проширување на надземниот дел од складиштето за гас во Чирен. Денеска почнуваат суштинските градежни активности за изградба на новата инфраструктура од надземниот дел.
Ова е веста на денот од Република Бугарија, избрана на Бугарската телеграфска агенција (БТА) за објавување од МИА, согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат директно избрана од другата агенција вест на денот на соодветната земја, а другата агенција да ја објави на својот интернет сајт без промени со изрично посочување и цитирање на партнерот како извор.
Според министерот Радев, проектот е признат како еден од најзначајните во областа на енергетиката во Европа. Тоа чини околу 308 милиони евра. Европското финансирање е околу четвртина или околу 78 милиони евра. Проширувањето ќе обезбеди зголемување на обемот на активниот гас во складиштето на 1 милијарда кубни метри и дневните капацитети за инјектирање и производство на 8-10 милиони кубни метри дневно, а ќе се заменат и старите технологии за безбедност и управување.
„По завршувањето на проектот, факторот Бугарија нема да биде само во насока на дистрибуција, бидејќи ние сме сериозен фактор во моментов, туку и во насока на складирање. Ова е всушност другата лиценца според која компанијата „Булгартрансгаз“ работи како оператор на системи за пренос на гас и складишни системи“, објасни министерот Радев.
Најзначајната придобивка од проширувањето на подземното складиште за гас во Чирен е она што ќе го почувствува бугарското население и бизнис, изјави извршниот директор на „Булгартрансгаз“ Владимир Малинов на почетокот на градежните активности на доградбата на надземниот дел од складиштето. Според него, од една страна, достапноста на повеќе природен гас ќе обезбеди сигурност во зимските месеци кога неговата потрошувачка е поголема, а од друга ќе има и ценовно влијание.
На почетокот на активностите присуствуваа министерот за енергетика Румен Радев, заменик амбасадорот на САД во Бугарија Андрија Брулет-Родригез, претставници на изведувачот на проектот – ЏЗД „TECH ENERGY EXPANSION“, претставници на меѓународни компании од САД и други.
