Министерство за здравство: Пациент од Австрија денеска се вратија во земјава, во нашите центри пристигнаа странски тимови за рехабилитација

Министерството за здравство информира дека еден од повредените во пожарот во Кочани, кој е хоспитализиран во медицински центар во Австрија, денеска се вратил во земјава. По пристигнувањето, според медицинските протоколи, тој ќе биде под 24-часовна опсервација.

Министерството за здравство соопштува дека во медицинските центри во странство во моментов се лекуваат 80 пациенти. Нема промени во нивната состојба во однос на претходните денови.

„Во меѓувреме, во последните 24 часа на Клиниката за пластична хирургија е примен пациент вратен од Грција, кој по потребните прегледи ќе биде испратен на домашно лекување. Во моментов на оваа Клиника се хоспитализирани тројца пациенти. Во последните 24 часа на Клиниката за токсикологија нема хоспитализирани нови пациенти.

Во Општата болница „8 Септември“ се хоспитализирани тројца пациенти, а на хируршката клиника „Свети Наум“ продолжуваат да се хоспитализирани шест пациенти. На Клиниката за пулмологија двајцата пациенти кои се хоспитализирани се испратени на домашно лекување, што значи дека во моментов нема хоспитализирани пациенти од несреќата во Кочан.

Во земјава пристигнаа и тимови од странство со долгогодишно искуство во рехабилитација на заболени од изгореници, кои вршат проценка на просторните услови и опремата во повеќе центри за рехабилитација на заболени од изгореници. Министерството за здравство останува во постојана комуникација со медицинските тимови внатре и надвор од државата, посветени на обезбедување најдобра можна грижа за секој повреден во несреќата во Кочани“, велат од Министерството за здравство.