Мистериозна смрт на бебе од Србија во Италија: Мајката го пронашла малото дете на улица со „сплескана глава“ – наредена е итна истрага
18-месечно дете почина во болница во Портогруаро во провинцијата Венеција.
Момчето вчера попладне го пронашла мајка му, на патот, во близина на куќата, со тешки повреди на главата. Без да чека брза помош, детето било пренесено во болница. Сепак, и покрај напорите на лекарите да го реанимираат, немало начин да се спаси.
Повредата на главата се совпаѓа со последиците од сообраќајна несреќа. Отворена е истрага, обвинителот нареди обдукција и се очекува резултатот да ја открие динамиката на несреќата и потеклото на повредата.
Родителите на момчето се по потекло од Србија, а повеќечленото семејство неодамна се преселило во селото Мазолада во Портогруаро.
Несреќата најверојатно се случила кога автомобил удрил во детето на патот, во моментот кога тоа било надвор од дворот – најверојатно без знаење на мајка му излегло на патот.
Непознат е сторителот на несреќата.
Според изјавата на бабата и вујкото на детето, детето било ставено на хаубата од автомобилот „за забава“, а потоа паднало и си ја повредило главата!
Полицијата ги повикала да сведочат за настанот, но засега поконкретна е претпоставката дека детето било прегазено на патот бидејќи повредите биле дефинирани како „смачкана глава“.
