Мистериозна смрт! Пронајдени тела на двајца работници на фарма за пилиња: Рацете и лицето им биле целосно замрзнати (фото)
Двајца работници за контрола на штетници умреле мистериозно во источна Англија, откако биле пронајдени замрзнати до смрт на фарма за пилиња во 2018 година, пишува Дејли мејл.
Џонатан Колинс (34) и Нил Мун (49) беа пронајдени мртви во раните утрински часови на 4 октомври на фармата Атлборо во Норфолк. Помошникот судски лекар Кристофер Лич пред судот во средата изјави дека земјата на која биле пронајдени е замрзната.
– Тие се пронајдени во тесен простор помеѓу надворешниот ѕид на фабриката и ѕидот на железничката станица. Оваа истрага моментално е суспендирана и не е соодветно да се продолжи со неа во оваа фаза – зборовите на Лич ги пренесе британскиот таблоид.
И двајцата имаа замрзнати раце и лица. Дополнително разгледување на доказите е закажано за 11 декември годинава.
Според Дејли Мејл, полицијата минатата недела потврдила дека две компании се под истрага за убиство од небрежност, поточно две точки за убиство од небрежност и прекршување на должноста според Законот за здравје и безбедност при работа.
Оттаму додаваат дека како причина за несреќата се истражува потенцијално истекување на гас за ладење. Семејството на покојниот Колинс изјави дека тој е посветен семеен човек кој ќе им недостига на сите што го познаваат.
Вдовицата на друг вработен, Мун, го опишала како најубавиот сопруг и татко. Синот го нарече свој херој и најдобар татко што некогаш можел да го посака, пишува Дејли Мејл.
