– Премиерот Христијан Мицкоски во објава на неговиот официјален Фејсбук профил истакна дека борбата против корупцијата и организираниот криминал е еден од главните приоритети на неговата Влада.
Тој денеска се сретнал со министерот за внатрешни работи, Панче Тошковски, со цел да се адресира, како што вели, оваа значајна тема.
![](https://mia.mk/articles/images/%D0%BC%D0%B8%D1%86%D0%BA%D0%BE%D1%81%D0%BA%D0%B8%D0%B1%D0%BE%D1%80%D0%B1%D0%B0%D1%82%D0%B0%D0%BF%D1%80%D0%BE%D1%82%D0%B8%D0%B2%D0%BA%D0%BE%D1%80%D1%83%D0%BF%D1%86%D0%B8%D1%98%D0%B0%D1%82%D0%B0%D0%B5%D0%B3%D0%BB%D0%B0%D0%B2%D0%B5%D0%BD%D0%BF%D1%80%D0%B8%D0%BE%D1%80%D0%B8%D1%82%D0%B5%D1%82%D0%BD%D0%B0%D0%B2%D0%BB%D0%B0%D0%B4%D0%B0%D1%82%D0%B0EmRD5/Cd608cqsG/small.webp)
-Во недела во која промовиравме нови странски и домашни инвестиции, не забораваме на клучниот сегмент од нашата агенда – борбата против корупцијата. Криминалот е рак рана на нашето општество и една од главните причини за одземањето на државата од народот.
Испраќам јасна порака: никој не е над народот, законот и Уставот. Ќе има одговорност за криминалот затоа што ја уништува нашата заедничка иднина. Таа одговорност мора да биде со име и презиме, без оглед на позадината на лицето. Доаѓа време на правда. Само така државата ќе направи повеќе за народот, пишува на фб статусот на премиерот Мицкоски.