Мицкоски: МВР нема капацитет да издаде 2,5 милиони пасоши
МВР нема капацитет да издаде 2,5 милиони пасоши до 12 февруари, вели првиот човек на ВМРО-ДПМНЕ, Христијан Мицкоски. Според него, со овој интензитет на кој се работи може да се постигне промена на сите пасоши до 2027 година“.
„Има две машини кои работат од 7 до 10 часа дневно, секоја од нив има капацитет од 120 пасоши на час или, ако ја сведеме на континуирана работа без прекин, можете да менувате најмногу половина милион пасоши годишно. како и при идеални услови, под услов овие уреди да работат без прекин. Тоа значи дека се потребни шест години со ова темпо и динамика за да се сменат сите патни исправи. Или со други зборови, ако се изгласа законот во 2021 година, тогаш сите 2,5-2,7 милиони македонски патни исправи може да се сменат до 2027 година“, изјави Христијан Мицкоски, претседател на ВМРО-ДПМНЕ.
Како избор, Мицкокси вели дека има две опции. Едниот е да се изгласа закон во Собрание со кој ќе се продолжи рокот за издавање пасоши, додека за опцијата рече дека ќе бара поддршка од Извршниот и Централниот комитет на ВМРО-ДПМНЕ за поднесување барање до Уставниот суд за формирање времена мерка Законот од 2021 година да се укине додека уставниот судија не оцени дали тој закон е уставен. Состојбата со издавањето на новите документи ја следи претседателот Пендаровски кој побара рокот на важност на документите за идентификација да се одложи за септември или октомври. Додека премиерот Ковачевски денеска повторно повтори дека Пендаровски мора прво да разговара со неговиот грчки колега.
„Кога Пендаровски ќе разговара со грчкиот претседател, тој ќе не извести и ќе можеме да дејствуваме“, рече премиерот Димитар Ковачевски.
Инаку, за олеснување на процесот, МВР отвори неколку дополнителни пунктови за издавање документи за идентификација, но очигледно ниту тие не помогнаа. А покрај долгите чекања на шалтерите, бидејќи државата не ги покривала, граѓаните се принудени сами да ги плаќаат новите документи, иако документите со старото име се уште имаат неистечен рок.
