“МНОГУ ОПАСЕН ЧОВЕК!“ – Големи промени во Армијата на Русија: Владимир Путин му ја ‘скина главата’ на озогласениот ‘месар од Мариупол’!
Руски командант познат како „месарот од Мариупол“ е сменет од функцијата, според информациите објавени од руски воен репортер. Генерал-полковник Михаил Мизинцев стекна репутација на безмилосно брутална личност за време на целосната инвазија на Русија на Украина. Тој е особено поврзан со бруталното бомбардирање на јужниот пристанишен град Мариупол, кој Русија го окупираше во мај минатата година.
„Тој сега е отпуштен од функцијата“, според објавата на Александар Сладков, дописник на државниот руски весник Izvestija на социјалната мрежа Телеграм, како што објави Newsweek.
Михаил Мизинцев беше назначен за заменик министер за одбрана за логистика на крајот на септември 2022 година, објавија тогаш државните руски медиуми.
„Месарот ќе изгради нова кланица“, објави Министерството за одбрана на Украина на социјалната мрежа Твитер по објавувањето на веста.
„Михаил Мизинцев годинава имаше интересна судбина“, напиша во четвртокот Александар Сладков, опишувајќи го командантот како негов „пријател“. Тој исто така додаде дека командантот „немал директна врска“ со нападот на градот Мариупол.
Во следното соопштение Александар Сладков тврди дека Алексеј Кузменков, кој се наведува како одговорен човек на руската национална гарда, ќе го замени „месарот“ во логистичките работи. Веста за отказот на Михаил Мизинцев ја објави и рускиот воен блогер со име – WarGonzo, на својот профил на социјалната мрежа Телеграм.
Пред да ја преземе функцијата во Министерството за одбрана на Русија, Михаил Мизинцев беше на чело на Националниот центар за управување со одбраната од декември 2014 година. На 31. март 2022 година, Влада на Велика Британија го санкционираше за неговите брутални дејствија направени во Сирија и Украина.
„Михаил Мизинцев е началник на Националната одбранбена команда и контролен центар, каде што се планираат и контролираат сите руски воени операции низ светот“, објави тогаш Владата на Велика Британија.
Понатаму се наведува дека Михаил Мизинцев е познат по гранатирањето на цивилни цели во Алепо во текот на 2015 и 2016 година, а потоа и во Мариупол, каде што продолжуваат злосторствата против украинскиот народ.
Михаил Мизинцев е роден во 1962 година, според информациите руската државна медиумска агенција ТАСС, поддржана од Кремљ, а дипломирал на военото училиште „Калињин Суворов“ во 1980 година. Неодамна, во април 2022 година, Михаил Мизинцев беше малку позната личност чија работа беше главно ограничена на „ефективно административни“ улоги во руската војска, објави во тоа време The Washington Post.
Во првите месеци од инвазијата на Украина, градот Мариупол претрпе силно бомбардирање и бројни големи фатални напади со огромен број жртви, како што е нападот врз театарот каде стотици луѓе се засолниле во опколениот град, кој беше во голема мера срамнет со земја и голем број цивили го загубија животот меѓу кои и деца. Според некои тогашни проценки, околу 300 луѓе загинале во бомбардирањето на театарот.
