“МОЗОКОТ“ НА ПЕНТАГОН ПОВТОРНО ЗАВРШИ ВО БОЛНИЦА – Објавено итно соопштение: Лојд Остин хоспитализиран поради нов здравствен проблем

Првиот човек на Пентагон, Лојд Остин, му ги префрли должностите на својот заменик додека тој е во болница поради „итен проблем со мочниот меур“, соопшти Пентагон.

Лојд Остин (70 г.) ќе остане на лекување во болницата „Волтер Рид“ во Вирџинија, јавуваат американските медиуми.

Пентагон соопшти дека Белата куќа и високи претставници биле известени.

Државниот секретар за одбрана се најде под лупа затоа што не ја откри неговата дијагноза за рак на простата и престојот во болница во декември и јануари.

Минатата недела Лојд Остин се извини за инцидентот.

Во неделата, околу 16:55 часот по локално време, Пентагон објави втора изјава во која се вели дека Лојд Остин ги префрлил функциите и одговорностите на канцеларијата на заменик државниот секретар за одбрана, Кетлин Хикс.

Лојд Остин оваа недела треба да отпатува за Брисел на состанок во среда за тековната војна во Украина. Сè уште не е јасно дали неговиот престој во болница ќе влијае на тие планови.

Кон крајот на минатата година, Лојд Остин беше опериран поради рак на простата.

Тој беше повторно примен во болница на Нова година со силни болки во ногата, колкот и стомакот поради компликации поврзани со процедурата. Скенирањето открило инфекција на уринарниот тракт и тој останал во болница повеќе од две недели.

Високи претставници на одбраната и администрацијата на Џо Бајден не знаеја дека Лојд Остин е сериозно болен до три дена по неговата реадмисија во јануари.