Монструмот оставил проштално писмо пред масакрот во Њујорк: Деталите се застрашувачки

Шејн Тамура, кој уби четири лица во невиден масакр во Њујорк, а потоа си го одзеде животот , остави проштална порака пред да упадне во седиштето на НФЛ и да го изврши масакрот.

Станува збор за млад човек кој играл американски фудбал и кој, како што тврди, поради тоа имал сериозни здравствени проблеми.

Тамура во својата проштална порака тврдел дека страдал од хронична трауматска енцефалопатија (CTE) и побарал да му се испита мозокот, според изворот.

Тамура го носел прошталното писмо во задниот џеб. Според Си-Ен-Ен, кратката порака била „растегната“ на три страници, напишана рачно и била пронајдена по пукањето.

„Фудбалот ми даде CTE и поради тоа испив еден литар антифриз“, напиша тој во пораката.

Во пораката наводно пишувало: „Не можеш да одиш против НФЛ, ќе те уништат!“

„Проучи ми го мозокот, те молам. Жал ми е. Кажи му на Рик дека ми е жал за сè“, гласи пораката на убиецот кој се самоуби по крвавата гозба.

ХТЕ, или хронична трауматска енцефалопатија, е болест слична на Алцхајмеровата болест и најчесто се поврзува со американските фудбалери. Студиите покажаа дека повторените удари во главата – дури и без потрес на мозокот – можат да доведат до развој на ХТЕ.

Како што повеќе извори изјавија за Си-Ен-Ен, Тамура бил натпреварувачки фудбалер во младоста.