МОРА ДА СЕ ОТКАЖЕТЕ ОД НИВ ШТО ПОБРЗО Лошата среќа нè следи поради овие три работи
Иако често ни се чини дека тревата во соседниот двор е секогаш позелена, тоа е само илузија.
Секојдневно носиме со себе непотребни животни товари и бројни лоши навики кои често нè прават да се чувствуваме празни, несреќни и неисполнети. За да ја задржиме позитивната енергија што ни е потребна за да бидеме среќни, треба да правиме мали и големи промени во нашите животи.
Еве 3 едноставни работи од кои мора да се откажете за да бидете посреќни и позадоволни:
1. Стремеж кон совршенство
Совршената работа, совршениот брак, совршеното семејство, совршеното тело… сето тоа се цели по кои копнееме, а всушност не постојат. Иако често ни се чини дека тревата во соседниот двор е секогаш позелена, тоа е само илузија. Ништо околу нас не е совршено и никој нема совршен живот како во филм и затоа е важно да не копнееме по совршенство и да уживаме во малите нешта.
2. Негативен став
Психолозите објаснуваат дека негативните мисли и песимизмот значително влијаат на нашето расположение, а со тоа и на нашата среќа. Нашите животи се полни со негативни настани и ситуации кои често не можеме да ги избегнеме, но мора да се справиме со нив, па затоа навистина не ви се потребни дополнителни негативни мисли. Следниот пат кога ќе имате негативно мислење за себе, за вашата работа, за вашиот партнер или за некој друг аспект од вашиот живот, застанете и обидете се да ја пронајдете позитивната страна во сè. Ќе видите дека таа навистина постои.
3. Животот во минатото
Акумулацијата на негативни чувства најчесто е предизвикана од размислување за минатото. Без разлика дали станува збор за фразата „само да имав тогаш…“ и „Можев да имам…“ или страдање од поранешна врска, работно место или начин на живот, живеењето во минатото секогаш носи со себе негативни чувства на тага, копнеж и разочарување.
За да бидете среќни, важно е да го оставите минатото зад себе и да уживате во она што е до вас или во она што допрва доаѓа. Не можете да го промените минатото, сегашноста зависи од вас и затоа е важно да ја искористите на позитивен начин.
