Морничави детали од обдукцијата на Метју Пери: Откриена причината за смртта, а една работа ги остави лекарите без зборови
Смртта на Метју Пери е дефинирана како комбинација на фактори – давење, коронарна артериска болест и ефектите на бупернорфинот, кој се користи за лекување на зависност од опиоиди.
Тој беше пронајден мртов во базенот во неговиот дом на 28 октомври од службите за итна помош.
Пери примил инфузија на кетамин како третман за депресија една и пол недела пред да умре, но лекарот, Рафи Џабуријан, изјавил дека кетаминот останува во телото од три до четири часа и дека терапијата не може да доведе до негова смрт, пренесува Daily Mail.
Нивото на кетамин во периферната крв беше 3.540 ng/ml, а во централната 3.271 ng/ml, додека кај пациент под општа анестезија во болница, нивото на кетамин во крвта е од 1.000 до 6.000 ng/ml.
Кога Пери беше прогласен за мртов, тестовите направени на местото на настанот покажаа дека тој немал алкохол, кокаин, хероин, метамфетамин или фентанил во неговиот систем. Патологот рече дека Пери имал историја на дијабетес и употребувал дрога, но „наводно бил чист 19 месеци“. Кога иследниците пристигнале во домот на Пери, не нашле никакви нелегални лекови, но нашле лекови на рецепт кои биле соодветно етикетирани и складирани во ампули. Кетаминот може да се препише како медицински третман, но засега не е познато дали тој бил еден од лековите на рецепт пронајдени во неговиот дом.
Лекарот пронашол докази за неговата долгорочна злоупотреба на дрога и алкохол. Пери страдал од цироза на црниот дроб и бубрезите предизвикани од долготрајно, лошо контролирано, висок крвен притисок и долгорочна употреба на дрога, пренесува „Нова С“.
Обдукцијата на Пери, исто така, откри хронично оштетување на панкреасот, за кое исто така постои сомневање дека е предизвикано од опијати.
Актерот цел живот се обидува да се опорави од зависноста. Во своите мемоари „Пријатели, љубовници и големата страшна работа“ напишал дека потрошил 9 милиони долари обидувајќи се да се отрезни, дека отишол на 6.000 состаноци, 15 пати на рехабилитација и 65 пати на детоксикација.
