Мпабе надвор од теренот: Реал Мадрид не прецизираше колку долго ќе остане без својата прва ѕвезда

Францускиот фудбалер и напаѓач на Реал Мадрид, Килијан Мбапе го повреди левиот бут и ќе отсуствува од терените на неодредено време, објави шпанскиот клуб.

Клубот не ја прецизира природата на повредата ниту колку долго Мбапе ќе биде надвор од терените.

Реал во недела ќе игра против Рајо Ваљекано во шпанската Примера.

Капитенот на француската репрезентација се повреди во вторникот на натпреварот од шестото коло во Лигата на шампионите, во кој Реал во Бергамо ја совлада Аталанта со 3:2.

Мбапе постигна 12 гола на 22 натпревари откако летово дојде во Реал од Париз Сен Жермен.