Мрачна прогноза на директирот на ЦИА за Украина: Имаат само 2 начини да ја натераат Русија да плати висока цена за продолжување на конфликтот

Директорот на ЦИА Вилијам Барнс наведува дека 2024 година ќе биде тешка година за Украина во однос на воените операции и ќе претставува тест за издржливост.

– Годината веројатно ќе биде тешка на бојното поле во Украина и ќе биде тест за издржливост, чии последици ќе ја надминат херојската борба на земјата да ја одржи својата слобода и независност – рече Барнс во колумна за американскиот магазин Форин аферс.

Барнс вели дека рускиот претседател Владимир Путин верува дека времето е на негова страна и дека го обновува руското одбранбено производство со клучни компоненти од Кина и оружје и муниција од Иран и Северна Кореја. Тој предупредува дека е грешка да се „потцени фиксацијата на Путин“ за Украина и нејзините избори.

– Шефот на Кремљ смета дека без контрола на Украина, Русија не може да биде голема сила, а дека не може да биде ниту голем рускиот лидер – изјави Барнс.

Според директорот на ЦИА, Украина се соочува со предизвик да ја разбие ароганцијата на Путин и да ја натера Русија да плати висока цена за продолжувањето на конфликтот, не само со напредување на линијата на фронтот, туку и со удари длабоко зад фронтот и во Црно Море.

– Во таква ситуација, Путин би можел повторно да се вклучи во штракање со нуклеарна сабја , и би било глупаво целосно да се игнорираат ризиците од ескалација, но, исто така, би било глупаво да нè заплаши – рече директорот на ЦИА.

Барнс го повикува Западот да продолжи да ја финансира Украина.

– Клучот на успехот е одржувањето на помошта од Западот за Украина. Станува збор за релативно скромна инвестиција, која претставува помалку од пет проценти од буџетот за одбрана на САД, но со значителни геополитички приноси за САД и значителни приноси за американската индустрија – напиша Барнс.

Тој, исто така, призна дека САД ја изгубиле својата надмоќ поради зголеменото влијание на Русија и Кина.

– Подемот на Кина и рускиот реваншизам создаваат сериозни геополитички компликации во свет на интензивна стратешка конкуренција во која Соединетите Американски Држави повеќе не уживаат неоспорна супериорност – рече Барнс.

Русија, вели тој, можеби претставува „најнепосреден“ предизвик за Америка, но Кина претставува „посериозна долгорочна закана“ за Вашингтон. Барнс вели дека ЦИА се „реорганизирала“ околу овој приоритет во последните две години.

Новите американски воени планови за Украина, како што пишува Вашингтон пост, повеќе не предвидуваат враќање на изгубената територија .