Навивачите на Ливерпул полудеа откако го слушнаа Арнолд како зборува шпански: Бесни на „предавникот“ (видео)

Одличниот англиски десен бек Трент Александар-Арнолд пред неколку дена потпиша договор со Реал Мадрид, со што за првпат во својата кариера го напушти Ливерпул, каде што порасна.

Заминувањето на Арнолд ги налути навивачите на Ливерпул кои го нарекоа предавник, поранешниот менаџер на „Редс“, Јирген Клоп, застана во негова одбрана, но се чини дека гневот на навивачите сепак беше оправдан.

Имено, Арнолд долго време ја криеше својата одлука за иднината, а информацијата за неговото конечно заминување ја потврди дури на крајот од сезоната, иако сега е очигледно дека ја донел многу, многу порано.

Навивачите го „откриле“ ова бидејќи Арнолд зборувал течно шпански на неодамнешната презентација во Мадрид, што не можел да го научи туку така, па им станало јасно дека ги лаже.

Додека навивачите размислуваа за значењето на чудните прослави на голот на Арнолд на крајот од епизодата со Ливерпул, тој очигледно решил да си замине и одел курс по шпански јазик.

На презентацијата во Реал, Арнолд исто така рече дека „чекал многу долго време да му се оствари сонот“, а потоа, кога сфатил што кажал, се обидел да се поправи велејќи дека се однесува на период од две недели.

Овој пресврт на настаните околу трансферот на Арнолд сигурно ќе го промовира Англичанецот во еден од најомразените фудбалери на навивачите на Ливерпул, и поради ова, тој сигурно ќе има огнен пречек на „Енфилд“, кога можеби ќе го посети овој стадион во иднина.