Над 200 луѓе во Фондот за пензиско и здравствено осигурување земале плата а не оделе на работа

Државното тело за ревизија констатира одредени неправилности и проблеми со персоналот во Фондот за пензиско и инвалидско осигурување.

Според извештајот на Државното тело за ревизија, лани во овој фонд биле вработени 206 лица со договор за работа во траење од 2 до 12 месеци, за кои Фондот имал обезбедено согласност од Министерството за финансии за извршување на работните обврски и за кои потрошени се повеќе од 800.000 евра.

„Ревизорите покажуваат дека нема докази за присуство на вработени лица, поради оваа причина постои можност за исплата на средства на лица кои не биле присутни на работните места и не ги извршувале своите работни задачи. Во договорите не е предвидена обврска за вработените лица да поднесуваат извештаи за извршената работа, со што не се обезбедува сигурност за исполнување на работните обврски и обврски за кои се обврзани, додека најголем дел од договорите не се потпишани од извршители“, се наведува во извештајот.

Исто така, во извештајот се нагласува дека Фондот лани собрал рекордни 63 милијарди денари од придонеси, но повеќе од 30 отсто од средствата потребни за исплата на пензиите биле покриени со државни трансфери. Причина за тоа е недоволниот број на активни осигуреници – трошоците на еден пензионер во просек ги покриваат двајца работници.

Според извештајот, овој фонд со години се соочува со недостиг на стручен кадар, особено во клучните сектори, како што се подрачните единици, секторот за ИТ и внатрешната ревизија