Направете Болоњезе сос по рецепт на најпознатиот италијански готвач:Тајната е во една состојка (ВИДЕО)
Болоњезе сос е класика на италијанската кујна, која има своја официјална верзија. Конталдо го збогатил со една состојка и постигнал совршен вкус.
Болоњезе сосот доаѓа од италијанскиот регион Емилија-Ромања и е познат низ целиот свет. Меѓутоа, овој сос често се прави погрешно, со премногу домати или се служи со шпагети.
Сосот од Болоњезе, имено, најдобро го впиваат таљателите, а може да се користи и при подготовка на лазањи.
Познатиот готвач Џенаро Конталдо го прави овој сос од концентрат од домати, со додаток на црвено вино и нагласува дека се готви долго време на тивок оган.
Компоненти:
-маслиново масло 50 мл
-путер 25 гр
-кромид 1
-целер 1 стебленце
-морков 1
-панцета 150 гр
-мелено говедско месо 200 гр
-мелено свинско месо 200 гр
-црвено вино 200 мл
-концентрат од домати 2 лажички
-пилешка супа 200 мл
-таљатели 400 гр
Подготовка:
Во тава загрејте ги маслиновото масло и путерот, додадете ги кромидот, целерот, морковот и панцетата и динстајте ги на тивок оган околу 10 минути додека да омекне кромидот.
Додадете го месото и добро пропржете го.
Зголемете ја температурата, додадете го виното и оставете да испари.
Доматното пире разредете го со 100 мл бистра пилешка супа, па измешајте го во месото.
Намалете го огнот, покријте го тенџерето со капак и гответе го Болоњезе сосот на тивок оган минимум 2 часа, повремено мешајќи и додавајќи ја преостанатата пилешка супа за да не се исуши сосот.
Тргнете го сосот од оган и послужете го болоњезето со свежо сварените таљатели.
