НАСА ЈА ИСПРАЌА ПРВАТА ЖЕНА НА МЕСЕЧИНАТА – Мисијата закажана за крајот на годината, а астронаутите ќе имаат специјална задача
НАСА има големи планови да се врати на Месечината до крајот на 2024 година!
Враќањето на Месечината вклучува неколку мисии на НАСА.
„Мисиите на НАСА ќе ја спуштат првата жена и првиот Афроамериканец на Месечината користејќи иновативни технологии за истражување на поголема област од кога било досега. Ќе соработуваме со комерцијални и меѓународни партнери и ќе го воспоставиме првото долгорочно присуство на Месечината. Потоа ќе го искористиме она што го учиме на и околу Месечината за да го направиме следниот џиновски скок и да ги испратиме првите астронаути на Марс“ се вели во соопштението на НАСА.
Американската вселенска агенција планира голем пробив во мисиите Артемис.
Четворица астронаути треба да одат на патување до Месечината. Кристина Кох би можела да стане првата жена астронаут што ќе биде испратена на мисија на Месечината, Виктор Гловер би можел да биде првиот Афроамериканец кој слета на површината на сателитот на нашата планета.
Другите двајца учесници во мисијата треба да бидат Рид Вајсман и астронаутот на Канадската вселенска агенција Џереми Хансен.
НАСА моментално ја гради својата џиновска ракета „Артемида 2“. Лансирањето треба да биде на крајот на 2024 година, а мисијата ќе трае осум дена. Астронаутите нема да слетаат на Месечината, туку ќе завршат пробна рута пред мисијата „Артемида 3“, која треба да следи во 2025 година.
Целта на мисијата „Артемида 3“ е да ја истражи темната страна на Месечината која никогаш не гледа на Земјата. Мисијата вклучува слетување со екипаж на Месечината и првата жена и Афроамериканец што стапнала на површината на Месечината.
Во моментов, се вели дека НАСА е на вистинскиот пат со своите планови за 2024 година, меѓутоа, лансирањето на ракетите не се закажани, а многу фактори би можеле да го повлечат датумот на почетокот на мисијата наназад дури и за неколку месеци.
