Наскоро во Германија големо зголемување на платите: Покачувања и до 500 евра, еве кој

Околу три милиони вработени во државните и јавните служби во Германија би можеле да добијат 10,5 отсто повисока плата или најмалку 500 евра повеќе месечно.

Ова минатата недела го соопштија германскиот синдикат на вработените во јавниот сектор Ver.di и Здружението на државни службеници.

Синдикатите бараат 10,5 отсто поголема плата или најмалку 500 евра месечно повеќе во опсегот на платите и платите за државниот јавен сервис.

Зголемувањето на платите би се однесувало на вработените во јавните установи, градинките, училиштата, универзитетите, јавниот превоз, вработените во комуналните претпријатија, во судството, во финансиските и даночните канцеларии, болниците…

Приправниците, студентите и привремените работници треба да добијат 200 евра повеќе од тековните месечни примања, а специјализантите да се примаат на неограничено време.

Времетраењето на колективниот договор треба да биде дванаесет месеци.

Низ државата има 300.000 слободни работни места во јавниот сектор. Во исто време, вработените во јавниот сектор во моментов немаат добра плата, пренесува магазинот „Феникс“.