Најавено луксузно патување со воз низ светот за 2025 година! Цената е вистинска ситница
Луксузната туристичка агенција го најави враќањето на својата турнеја „Round the World by Luxury Train“ за 2025 година, по цена од 116.000 евра по лице.
Патувањето со луксузниот воз започнува на 3 септември 2025 година, а го организира агенцијата „Railbookers“. Турата нуди луксузно патување во луксузни возови, како и богати културни искуства за секој дел од патувањето.
Во текот на 59 дена патниците ќе поминат низ четири континенти, 12 земји и над 20 градови, возејќи се со некои од најлуксузните возови во светот. Се разбира, ова патување не е евтино: чини неверојатни 116.000 евра по човек.
Гостите ќе патуваат со седум од најпрестижните возови во светот, меѓу кои и Belmond Royal Scotsman во Шкотска, La Dolce Vita Orient Express во Италија и Venice Simplon-Orient-Express, кој минува низ неколку земји во Европа.
Во Канада, патниците ќе се качат на Rocky Mountaineer, додека во Јужна Африка ќе го искусат патувањето со Rovos Rail, како и националниот парк Hwange и водопадите Викторија во Зимбабве, од возот Rovos Rail.
Во Индија е избран експресниот воз на Махараџи, додека возовите Источен и Ориентал експрес ќе минуваат низ делови од Југоисточна Азија.
Интересно е тоа што патниците ќе се возат со воз во Канада, а потоа ќе летаат за Европа, каде што ќе ги истражуваат живописните пејзажи на Шкотска пред да продолжат до Рим, Верона и Венеција во Италија, а потоа за Париз.
По Франција, тие ќе се упатат кон Будимпешта, Букурешт, а потоа Истанбул, со што ќе заврши европскиот дел од патувањето.
Гостите потоа ќе летаат шест часа до Делхи, Индија. По посетата на познатите индиски дестинации, вклучувајќи ги Делхи, Агра и Џајпур, има 14-часовен лет до Јоханесбург, кој ќе се наплаќа дополнително.
После тоа, следува уште еден лет, овој пат за Сингапур. Се работи за патување од 13 и пол часа, кое во еден правец може да чини повеќе од 1.000 евра. Повратното патување со Источен и Ориентален Експрес ги носи гостите од Сингапур преку Малезија и назад во Сингапур, каде потоа ќе се вратат дома на свој трошок.
На секоја дестинација, на патниците ќе им бидат понудени различни внимателно одбрани екскурзии, од приватни обиколки на знаменитости како Таџ Махал до раскошни оброци со најдобрите специјалитети. Патниците кои не можат да се приклучат на целото патување можат да го прилагодат своето патување според нивните сопствени преференции и да изберат поединечни делови или дестинации на возот, пренесува Euronews.
