Најголемата индустрија во Грција има проблем: Помина „шпицот“ на туристичката сезона, а решението сè уште не е на повидок (фото)
Големиот проблем летово во Грција беше огромниот број туристи и зголемениот број на локалните ресторани кои ги преплавија плажите со лежалки и почнаа да профитираат.
Движењата како „Врати ја плажата“ го насочија вниманието кон овој проблем – Грците протестираа со фрлање крпи на јавните површини и плажите, во обид да им се вратат природните убавини на граѓаните, а не на рестораните кои сакаат профит.
Туризмот е најголемата индустрија во Грција, а во 2021 година земјата беше домаќин на 15 милиони туристи. За споредба, тоа е 1,5 пати повеќе луѓе отколку што има Грција. Локалните заедници немаат моќ да го контролираат протокот на посетители, додека нефункционалноста на институциите резултира, рестораните да имаат различни можности да ги заобиколат деловните правила.
Протестите вродија со плод, благодарение на медиумското внимание. Тогаш властите извршија увид на една од најтешко погодените плажи. Парос, беше целосно покриено со лежалки иако е во заштитено подрачје и никој немаше извадено дозволи за нивно поставување.
Но, ситуацијата не е подобрена низ цела Грција. На Наксос, многу сопственици на барови и ресторани беа предупредени дека ќе пристигне инспекцијата и ќе им ги отстрани лежалките.
„Сакам да верувам дека овие протести ќе доведат до поголемо учество на граѓаните во управувањето со туристичките дестинации, но и со јавните простори. Единствениот начин да се постигне тоа е подобрување на институционалната рамка и надзор“, изјави Ефтимија Сарантаку од Универзитетот Западна Атика.
Министерството за финансии, забележува „Си-Ен-Ен“, нема доволно ресурси за да ги изврши потребните инспекции и проверки.
Помина „шпицот“ на туристичката сезона, но активистите велат дека протестите во септември ќе бидат само почеток на нивните активности. На Наксос бараат не само почести проверки, туку и поголема транспарентност во однос на издавањето лиценци на угостителите.
Во моментов, цените се надвор од контрола, а повеќето луѓе не можат да си дозволат да одат во бар или ресторан. Бројот на гости е голем, а ако немате куќа, тешко е да најдете сместување кое е идеално за вашата финансиска моќ.
Доколку се прифатат барањата на демонстрантите, на грчките плажи ќе има повеќе места каде што ќе можете да го спуштите пешкирот – бесплатно. Многу туристи би биле благодарни за оваа опција, бидејќи Грција со децении се смета за атрактивна дестинација токму поради отсуството на овие дополнителни трошоци за секојдневен престој покрај море.
Но, ако не сакате да поминувате време шетајќи низ грчките градови, туку навистина сакате да одите на плажа, бидете сигурни дека овој проблем нема целосно да исчезне. Активистите само сакаат лежалките да бидат ограничени на места каде што всушност има соодветна дозвола за нивно поставување.
