НАЈГОЛЕМАТА ШВАЈЦАРСКА БАНКА КУПУВА „КРЕДИТ СУИС“? По сериозната криза во тек се преговори, следува и голем бран отпуштања

Најголемата швајцарска банка „UBS“ наводно делумно или целосно ќе го откупи „Credit Suisse“ со помош на владата. Проблематичната институција вработува повеќе од 50.000 луѓе.

Најголемата банка во Швајцарија „UBS“ е во фаза на преговори за купување на банката „Credit Suisse“, нејзиниот најголем ривал, кој западна во тешкотии. „Би-Би-Си“ пренесува дека се водат преговори за купување на дел или на целата банка.

Цените на акциите на Credit Suisse паѓаат со денови, откако раководството објави „материјални слабости“ во своето финансиско известување. Швајцарската национална банка одобри заем од 50,2 милијарди евра, но се чини дека тоа нема да биде доволно за спас на една од најважните банки во светот.

Регулаторите се вклучија за да ја прекинат продажбата до отворањето на пазарот во понеделник, поради загриженоста дека акциите на Credit Suisse ќе продолжат да паѓаат

Следеше општа „распродажба“ меѓу акционерите и се стравува од поголема финансиска криза. Во саботата навечер се одржа итен состанок на швајцарската влада, но се уште нема најава.

„УБС“ наводно побарала владата да покрие речиси шест милијарди евра трошоци, доколку одлучи да го откупи „Креди суис“. Секој договор може да предизвика голем бран отпуштања. „Kredi Suis“ има 95 филијали и управува со богатството на богатите клиенти. На крајот на минатата година имаше 50.480 вработени ширум светот .

Проблемите во Швајцарија настанаа во исто време со големите тешкотии со кои се соочија две американски банки. Пропаднаа „Silicon Valley Bank“ и „Signature Bank“, што е најголемиот банкарски крах од големата криза во 2008 година.