Најголем воздушен напад на Украина од почетокот на војната: Русија пукаше со моќно оружје (ВИДЕО)
Во текот на претходната ноќ, Русија изврши невиден воздушен напад врз градови низ Украина.
Мета беа Киев, Харков, Миколаев, Одеса, Днепропетровск, Лавов…
Украинскиот претседател Володимир Зеленски изјави дека Русија истрелала околу 110 проектили во текот на ноќта и дека повеќето од нив биле соборени.
– Ќе одговориме на терористите – рече Зеленски.
Портпаролот на украинските воздухопловни сили Јуриј Игнат изјави дека Русија ги лансирала сите ракети освен Калибр.
– Никогаш не сме виделе толку цели на нашиот монитор во исто време – рече Игнат.
Според него, Русија користела дронови, Кинжал, С-300, Кх-32… Околу 18 стратешки бомбардери, меѓу кои и ТУ-95МС, лансирале ракети Кх-101.
Украинските и руските воени блогери наведуваат дека ова е можеби најголемиот воздушен напад од почетокот на војната. Нападот започна околу полноќ со напад со беспилотно летало врз Одеса, по што беа истрелани десетици проектили врз цели низ земјата.
Целите биле аеродроми, магацини, енергетска инфраструктура…
Сирените за прекин на опасноста се огласиле дури околу 20 часот.
Локалните медиуми јавуваат дека според последните информации при нападот на Киев загинале две лица, а 18 се повредени.
Градоначалникот на главниот град на Украина, Виталиј Кличко, изјави дека неколку луѓе се под урнатините на магацинот оштетен од остатоци од ракети во областа Шевченко. За време на масовниот руски ракетен напад врз Киев, беше оштетена и зградата на метро станицата Лукјановска.
Украинските медиуми јавуваат дека во Днепропетровск загинале пет лица, додека повеќе од 20 се повредени. Наводно, проектилите во текот на ноќта погодиле породилиште и трговски центар. Меѓу повредените има и деца.
Властите наведуваат дека жртви има и во Харков и Одеса.
Вооружените сили на Украина, да потсетиме, во вторникот го потопија големиот десантен брод „Новочеркаск“ во пристаништето Феодосија на Крим!
