НАЈДОБРИ ПРИЈАТЕЛИ СЕ ВРАЌАЛЕ ОД ЗАБАВА, ПА ЗАЕДНО УМРЕЛЕ! Морничави детали за несреќата кај Горњи Милановац
Пријателите на социјалните мрежи се збогуваат со фудбалерот Радован Божовиќ (23) и неговиот пријател Никола Шкољевиќ (23) од Горњи Милановац, кои загинаа во страшната сообраќајна несреќа што се случи рано утринава кога А.О.(23) со несоодветна брзина налетал на нивниот автомобил „мицубиши“ .
Сообраќајната несреќа се случила час и половина по полноќ на раскрсницата Курсулина и улица Милоша Велики во Горњи Милановац. Се сомнева дека до несреќата дошло откако возилото во кое загинале не застанало на знакот „стоп“, а во нив наводно со несоодветна брзина удрил А.О што го знаат од градот. По страотната несреќа на младиот човек му е одредена мерка притвор до 48 часа, по што ќе биде сослушан во надлежното обвинителство.
- Пријатели, целиот живот го поминавте заедно, а сега заедно заминавте на другиот свет! Животот понекогаш не е фер… – пишува во една објава на социјалните мрежи, под која имаше само низа шокантни коментари.
- Почивај во мир, прерано си замина од светот. Сочувство до семејството, многу ни е жал што изгубивме толку чесни момци.
Според жителите на Горњи Милановац за Курир, кобната вечер младите се забавувале.
- Се сомнева дека до несреќата дошло затоа што Радован и Никола не застанале на знакот „стоп“ затоа што наводно разговарале меѓу себе , а мислеле и дека никој толку доцна нема да дивее на улица. Во моментот кога влегле на раскрсницата, „мицубишито“ удрило директно во нив – вели мештанинот и додава дека автомобилот е на Никола, но се уште не се знае кој го управувал возилото кобната вечер.
- Којзнае колку возел тој млад човек кога удрил во нив. Тој им го уништи целиот фронт. Тоа беше џип, а нивниот автомобил беше многу понизок и тој буквално го искрши. Немаа шанси.
Како што дополнително додаваат, автомобилски делови имало насекаде на патот.
- За жал, нема спас за овие млади момчиња… Од силината на ударот починале на лице место. Насекаде имаше крв, на воланот, на седиштето… На едниот од автомобилот му висеше главата, но сцената беше страшна. Веднаш се собрале случајни минувачи и соседи кои се обиделе да им помогнат, повикале и брза помош и полиција – наведуваат и додаваат:
- Никола и Радован беа примерни момци, но злата судбина реши тие повеќе да не бидат со нас.
Осомничениот А.О по несреќата едвај излегол од автомобилот.
- Очигледно бил вознемирен кога излегол но не побегнал. Полицијата подоцна со полициско возило го привела во полиција – раскажува соговорникот.
Истрагата е во тек и ќе ги утврдува сите детали за оваа страотна сообраќајна несреќа со смртен исход. А.О. бил тестиран на алкохол, како и на недозволени супстанци. Двата автомобили се однесени на итен технички преглед. Никола работел неколку години во градска компанија, додека Радован тренирал фудбал во локален клуб каде од почетокот на сезоната постигнал еден гол.
