Најдолговечните луѓе во светот се колнат во овие пет важни правила
Подоббрувањето на нашата исхрана и редовното вежбање може да го продолжи нашиот животен век, но можеби треба да следиме уште неколку едноставни правила. Постојат многу работи што можеме да ги направиме за да ги подобриме нашите шанси за долговечност, од пиење осум чаши вода дневно, урамнотежена исхрана, вежбање, прекин на пушењето и пиење помалку алкохол, според NHS.
Кога станува збор за долговечноста, во сините зони во светот (региони каде што луѓето живеат исклучително долго), жителите таму имаат десет пати поголема веројатност да живеат до 100 години во споредба со другите делови на западниот свет.
Медицински истражувачи, демографи, епидемиолози и антрополози ја истражуваа оваа тема за да откријат што е заедничко на сите овие места. Излегува дека сите тие се колнат во низа правила, а ова се некои од нив.
1. Движење во текот на денот
Седентарен начин на живот, како што е седењето 13 часа на ден или одење помалку од 4.000 чекори дневно, може да ги намали метаболичките придобивки од акутното вежбање, покажуваат студиите. Затоа, кратки периоди на физичка активност во текот на денот може да бидат многу корисни.
Докторот за долговечност, д-р Киен Вуу објасни за GQ дека може да биде едноставно како истегнување на вашето биро. Само неколку минути активност може да го прекине седентарен начин на живот.
2. Одвојување време да се опуштите
Стресот не е добар за нашето здравје, но понекогаш е неизбежен. Затоа, специјалистот за интегративна медицина, д-р Мишел Лој, препорачува длабок здив, задржување на здивот неколку секунди и полека издишување низ нос ако забележиме дека нашите емоции се зголемуваат. Зборувајќи за GQ, таа препорача да се практикуваат периоди за опуштање каде било и во секое време.
3. Дружење со пријателите на чаша вино
Иако ова може да изгледа контраинтуитивно, ние би можеле да имаме корист од пиењето алкохол, но не нужно од самиот пијалок.
„Во културите на долговечноста, умереното консумирање алкохол често се јавува во социјален контекст, нагласувајќи ја улогата на заедницата и славењето“, вели д-р Вуу.
Според експертите, се верува дека станува збор помалку за самиот алкохол, а повеќе за позитивните врски кои придонесуваат за емоционална благосостојба.
4. Конзумирање главно растителна храна
Според истражувањето спроведено во Сините зони, луѓето кои јадат претежно растителна исхрана – особено извори на протеини како грав и леќа наместо месо – имаат тенденција да живеат подолго. Ако сепак се одлучиме за месо, експертите препорачуваат порција свинско месо од 85 до 113 грама.
5. Јадење на најмалиот оброк во доцните попладневни часови
Луѓето кои живеат во сините зони имаат тенденција да го јадат својот најмал оброк доцна попладне или рано навечер, а потоа се воздржуваат од јадење до крајот на денот. Ова е познато како „80 проценти правило“, што значи дека престануваат да јадат кога се 80 проценти сити.
