Најновата снимка од дрон околу местото на исчезнувањето на Данка: Ова се 2-те локации кои ги надлетуваат хеликоптерите

Екипата на Телеграф со дрон ја снимила Брестовачка река, како и Борското езеро, кое вчера го прелетале хеликоптери кои учествуваат во потрагата по исчезнатата Данка Илиќ. Засега нема индикации дека потрагата ќе биде пренасочена на оваа локација, иако таква информација имаше утрово.

Како што може да се види на видеото, мрачно небо се надвисна над најголемата водена површина во околината на Бор. Се е мирно и тивко, а од Данка нема ни трага.

Многу мештани биле исплашени од можноста Данка да не отишла до коритото на Брестовачка река, која е на само три километри од куќата каде што последен пат била видена, или до Борското езеро, кое е на 7 километри од Бањско Поље.

Езерото е длабоко до 52 метри

Борското Езеро е вештачко езеро кое се наоѓа во подножјето на планината Црни Врх кај Бор. Езерската вода првенствено е наменета за работењето на Рударско-топилничкот басен, но и за развој на туризмот.

Ова езеро може да зазема површина до 79 хектари, а волуменот на акумулацијата е 10,55 милиони кубни метри. Во моментот на максимално ниво на водата, таа држи до 12.000.000 кубни метри вода, така што во најдлабоките точки може да биде длабока и до 52 метри.

Највисоки водостои се во пролет, а најниски кон крајот на летото и почетокот на есента. Разликата помеѓу максималниот и минималниот водостој надминува 10 метри. Но, поради сушата, езерото во моментов има многу низок водостој, откри метеорологот Ѓорѓе Ѓуриќ.

„Водостојот на езерото во моментов е понизок за неколку десетици метри поради сушата“, вели Ѓуриќ.

Тој наведува и дека водата во ова езеро е многу чиста, па затоа е проѕирна длабока до два метри.

Да потсетиме, потрагата по Данка Илиќ (2) влезе во осмиот ден. Ниту вчерашната потрага не заврши славно и покрај повеќечасовните напори на сите членови на МВР.

Данка Илиќ последен пат е видена во вторник околу 13 часот и 45 минути во Бањско поле. Во моментот на исчезнувањето таа носеше виолетови панталони, маслинесто зелена јакна и косата врзана во опавче.

Полицијата денеска ја пребарува новата локација, таа е на само 3 километри од куќата

Продолжува потрагата по двегодишната Данка Илиќ, која исчезна во вторникот во Бањско поле кај Бор. Припадниците на МВР во текот на претресот, кој влезе во осмиот ден, пребаруваат дел од Брестовачка река.

Полицијата утрово запира возила на влезот во Бањско Поље

Како што јавија известувачите од местото на настанот, полицијата и утринава запира возила кои сакаат да влезат во Бањско Поље.