Најновата фотографија ја „воскресна“ приказната за разводот на Мишел и Барак Обама: „Ни на слика не можат да се доближат“
Барак и Мишел Обама го слават роденденот на нивната најмлада ќерка, и покрај гласините за проблеми во нивниот брак. Имено, нивната ќерка Саша наполни 24 години.
Мишел Обама сподели фотографија од семеен одмор на својот Инстаграм и испрати емотивна порака до Саша:
„Среќен роденден на моето слатко девојче, Саша! Не можам да верувам колку брзо помина времето. Многу сум горда на жената во која се претвори. Те сакам засекогаш!“ — напиша Мишел.
Коментарите на мрежата „X“ истакнуваат дека забележале дека дури и на сликите тие повеќе не стојат еден до друг.
Барак и Мишел се во брак 32 години, но во последните месеци се соочуваат со постојани гласини за состојбата на нивната врска.
Минатиот месец, Мишел ги отфрли шпекулациите за брачни проблеми и директно се осврна на гласините за време на гостувањето во подкастот „Дневникот на еден извршен директор “ .
„Да имав проблеми со мојот сопруг, сите ќе знаеја за тоа“, изјави таа.
Нивната постара ќерка, Малија, исто така одлучила да не го користи презимето Обама професионално и сега се претставува како Малија Ан.
Мишел јавно ја поддржа одлуката на Малија, велејќи дека сака нејзината ќерка „само да си го трасира патот“ и „да го изгради својот идентитет“.
Гласините за брачни проблеми беа дополнително поттикнати од отсуствата на Мишел од неколку големи настани оваа година – вклучувајќи ја претседателската инаугурација во јануари и погребот на поранешниот претседател Џими Картер.
Во март, Мишел, исто така, ги пропушти нивните вообичаени места покрај теренот на НБА Ол-стар натпреварот.
Сепак, двојката беше забележана на заедничка вечера во Њујорк пред две недели, а вечераше и заедно во Вашингтон еден месец претходно.
Социјалните медиуми и таблоидите продолжија да шират тврдења дека двојката може наскоро да се разведе.
Во неодамнешен подкаст, Мишел откри дека оди на терапија за да ѝ помогне да премине во она што таа го нарекува „следната фаза“ од нејзиниот живот.
За време на епизодата, таа призна дека бракот е „тежок“ и за неа и за поранешниот претседател, но додаде:
„Не би го променила. Тој е, како што велат младите… моја личност“.
Фото: Profimedia/Shutterstock Editorial
„Убавината на мојот сопруг и нашето партнерство е во тоа што ниту еден од нас никогаш не помислил да се откаже, бидејќи тоа едноставно не е во нашата природа. Го знам тоа за него, а и тој го знае тоа за мене.“
Мишел со години отворено зборува за своите брачни предизвици, особено сега преку нејзиниот нов подкаст IMO (Според моето мислење) , кој го води со својот брат Крег Робинсон.
Таа, исто така, зборуваше за тоа како е во „празен дом“ сега кога нејзините ќерки се пораснати и дека ѝ е потребна „помош“ кога наполни шеесет години.
„Во овој момент од мојот живот сум на терапија бидејќи минувам низ транзиција, знаете?“, рече таа во една епизода од подкастот „Он д Џеј Шети“ .
„Имам 60 години, зад мене е многу тежок период низ кој поминав со моето семејство заедно, моите деца пораснаа, и запловија во животот.“
