Најново откритие: ХПВ поврзан со опасен рак – се пренесува и преку орален секс

Американски научници открија можна врска помеѓу вирусот ХПВ и смртоносниот облик на рак на кожата, сквамозен карцином.

ХПВ, кој најчесто се пренесува сексуално, вклучително и орален секс , веќе е познато дека предизвикува различни видови на рак, како што се рак на грлото, анусот и грлото на матката.

Неодамнешен случај на 34-годишна жена со дури 43 промени на кожата покажа дека бета-ХПВ се вградил во ДНК-та на нејзините клетки на кожата, предизвикувајќи рак. Иако била лекувана со операција и имунотерапија, болеста се вратила сè додека не ѝ била трансплантирана матична клетка, која ѝ го обновила имунитетот. Три години подоцна, ракот не се вратил.

Истражувачите истакнуваат дека ова откритие би можело да го промени начинот на кој се гледа и се лекува ракот на кожата кај имунокомпромитирани луѓе, пишува The Sun. 

Како да се заштитите од ХПВ:

Вакцинацијата – најефикасната превенција, особено пред првиот сексуален контакт.

Безбеден секс – употреба на кондоми и заштита за време на орален секс.

Редовни прегледи – ПАП и ХПВ тестовите овозможуваат рано откривање на промените.