Најпопуларното италијанско езеро наскоро ќе им наплаќа на туристите! Еве зошто

Италијанските власти планираат да воведат данок за целодневните патувања до езерото Комо за да го намалат бројот на посетители.

Алесандро Рапинезе, градоначалникот на Кома, најави дека планот е да се усвои планот на градот Венеција, кој се однесува на обврската за плаќање дневници  за посетителите на езерото. 

Се уште не е официјално соопштено кога ќе се воведе обврската за плаќање на надоместокот за еднодневните патувања, ниту колкава ќе биде таа такса.  

Во текот на минатото лето, познатата вила Дел Балбијанело на езерото Комо, која стана позната по филмовите за „Тајниот агент 007“ и откако таму беа снимени сцените од филмот „Војна на ѕвездите“, изгледа стана вистинска туристичка атракција.

Поради големиот број посетители, оваа атракција на езерото Комо беше принудена да воведе ограничувања за бројот на посетители дневно.

Така, во текот на минатото лето, со цел не само да се заштити оваа историска атракција, туку и еколошката важност на езерото, бројот на посетители на дневна основа беше ограничен. Иако порано ги имаше две илјади во текот на денот, минатогодишното лето донесе новина во вид на дозволени 1.200 посетители на дневна основа.

Инаку, се проценува дека  околу 1,4 милиони туристи го посетуваат езерото Комо во текот на годината, пренесува „Travelnews.co.za“.

Езерото Комо е трето по големина во Италија. Поголеми од него се само италијанските езера Маџоре и Гарда.

Езерото Комо е исто така едно од најдлабоките езера во Европа – неговата длабочина е дури 410 метри.

Посебно е интересно да се спомене дека дното на ова езеро се наоѓа под нултата точка надморска височина, бидејќи се наоѓа на двесте метри под нивото на морето.

Езерото Комо се смета за една од најпознатите туристички атракции на регионот Ломбардија, па не е чудно што туристите од целиот свет кои ја посетуваат Италија сакаат да го посетат ова езеро.

Сето тоа доведе до масовен туризам, па надлежните сега се обидуваат да го заштитат езерото со нови мерки.