Најследениот TikToker кој секогаш молчи на видеата е снимен како зборува: Дали е тоа навистина гласот на Каби?

Хаби Ламе, најследениот TikToker во светот, ги изненади своите обожаватели кога се појави во видео во кое конечно проговори.

Инфлуенсерот, кој го следат повеќе од 162 милиони луѓе на TikTok, стекна светска слава со своите едноставни видеа во кои секогаш молчи, реагира на разни совети и покажува лесни решенија без ниту еден изговорен збор.

Меѓутоа, неодамна беше објавен клип во кој Каби конечно проговори. Во видео споделено од Спортскиот центар на платформата Х, Ламе учествуваше на Ол-стар кошаркарскиот натпревар на славни личности, каде што им порача на соиграчите: „Да победиме момци“. Овој момент ги изненади неговите обожаватели, а многумина коментираа дека првпат го слушаат неговиот глас.

We need Druski and Khaby Lame doing more pregame speeches 😂 pic.twitter.com/9aVxTyDz9D

— SportsCenter (@SportsCenter) February 14, 2025

„Прв пат го слушам како зборува“, напиша еден корисник, додека друг додаде: „Дали тоа е навистина гласот на Каби?

Иако обожавателите се навикнати на неговото молчење во видеата, ова не беше првпат Ламе да проговори. Во интервјуто со Хуго Бос во 2023 година, обожавателите исто така можеа да го слушнат како зборува, а тој еднаш објасни зошто не користи зборови во неговите вирални видеа.

„Сакав да внесам едноставност во видеата. Најдобар начин да допрете до што повеќе луѓе беше да не зборувате“, рече Ламе, кој стана глобална сензација откако ја загуби работата во фабрика поради пандемијата на коронавирус. Денес, благодарение на неговите популарни и едноставни видеа, тој заработува милиони, а неговиот успех на социјалните мрежи продолжува да расте.