Најстарата жена на светот откри две намирници за долговечност
Преподобната Андре е најстарата личност на планетата, а во неодамнешното интервју кое го даде за Си-Ен-Ен откри две намирници кои придонеле за тоа.
Тајната на долговечноста се крие во одржувањето рамнотежа, а таа откри дека кога е храната во прашање, двете намирници за долговечност се чоколадото и виното. Иако не постои такво нешто како фонтана на младоста, оние кои се заинтересирани за долговечност треба да ги послушаат зборовите на 118-годишната калуѓерка која живее на југот на Франција.
Како и сите други, Андре и кажа на новинарот дека ужива во чоколадото и виното што ги пие секој ден во нејзиниот дом за стари лица во резиденцијата Кетрин Лаборе.
Со оглед на тоа што таа секојдневно ги консумира гореспоменатите намирници, се запрашавме дали тие се една од причините за нејзината долговечност и како храната и пијалокот можат да придонесат за тоа?
Одговорот на прашањето дали навистина постои врска помеѓу навиките во исхраната и подолг живот го понуди диететичарот Лорен Манакер, која истакна дека балансирањето на потрошувачката е важен дел од уживањето во овие две намирници.
Најстарата личност на светот е калуѓерката Андре од Франција
Калуѓерката Андре е родена во Франција во 1904 година како Лусил Рандон, според Гинисовата книга на рекорди. Во младоста работела како учителка и дадилка која се грижела за деца за време на Втората светска војна. Сестра Андре добила ново име во 1944 година кога станала калуѓерка, а потоа поминала 28 години работејќи со сираци и стари лица во болница во Виши, Франција.
По неодамна починатата 119-годишна Јапонка Кана Танака, оваа калуѓерка е најстарата личност на светот. Блиските на Танака ја припишуваат тајната на нејзината долговечност на нејзината способност да се фокусира на сегашниот момент наместо да се задржува на минатото и силното чувство за цел. Според членовите на нејзиното семејство, таа се занимавала со математика, калиграфија и цел живот била љубопитна.
Иако Танака и калуѓерка Андре ги делеле истите вредности, важноста на целта во животот и можностите за раст, нивните секојдневни навики се разликувале. Кога станува збор за преференциите за храна, сестра Андре вели дека „сака сè“. Шефот на активностите во домот за стари лица на сестра Андре, Дејвид Тавела, објаснува дека калуѓерката сака слатки, а чоколадото го нарекува својот „сладок грев“. Заедно со чоколадото, сестрата Андре секој ден пие по една чаша црвено вино, а Тавела тоа го припишува на тајната на нејзината долговечност.
