На капетанот на EasyJet му се слоши за време на летот, авионот е пренасочен

Летот на EasyJet , U2-2252 од Хургада до Манчестер , принудно слета во Атина откако на капетанот му се слошило за време на летот.

Авионот Ербас А320-200Н (регистрација G-UZEE) беше на височина од 36.000 стапки , околу 110 наутички милји југоисточно од Атина , кога првиот офицер донесе одлука да го пренасочи летот за Атина. Екипажот во кабината повикал помош од медицинскиот персонал меѓу патниците преку системот за јавни обраќања, а набрзо било објавено дека се работи за капетанот.

Авионот безбедно слета на пистата 03L на аеродромот во Атина во сабота, 8 февруари во 23:25 часот UTC, каде што беше пречекан од медицински тимови. EasyJet рече дека првиот офицер извршил рутинско слетување и дека на капетанот му била потребна медицинска помош.

Поради ваквата состојба, продолжението на патувањето е одложено за наредниот ден, а на патниците им е обезбедено хотелско сместување и оброци. Некои патници изјавија дека морале да спијат на подот на аеродромот пред да се организира превоз до хотелите.

Авионот ја напушти Атина и го продолжи летот за Манчестер денеска, 9 февруари во 21:15 часот по UTC, откако помина 21 час и 50 минути на аеродромот во Атина.

Патниците ја пофалија професионалноста на првиот офицер и екипажот во кабината за време на инцидентот. EasyJet се извини за непријатностите и им се заблагодари на патниците за трпението и разбирањето.