На кралот Чарлс III му е дијагностициран рак

На кралот Чарлс му е дијагностициран облик на рак, објави кралската Бакингемска палата, пишува BBC .

Не се работи за рак на простата, туку е откриен при неговиот последен третман за зголемена простата.

Видот на ракот не е откриен, но според соопштението на палатата, кралот почнал со „редовни третмани“ во понеделникот.

Бакингемската палата вели дека кралот „останува целосно позитивен во однос на неговиот третман и очекува да се врати на целосна јавна должност што е можно поскоро“.

Тој ќе ги одложи јавните ангажмани и се очекува другите членови на кралското семејство да му помогнат за време на неговото лекување.

Не се соопштуваат повеќе детали за стадиумот на ракот или прогнозата.

Кралот (75) се вратил во Лондон од Сандрингем во Норфолк во понеделникот наутро, а од палатата велат дека тој започнал со лекување.

Иако ќе ги прекине јавните настани, кралот ќе продолжи со својата уставна улога како шеф на државата, вклучувајќи документи и приватни состаноци.