Неверојатно видео од Газа: Палестински борец самостојно нападна два израелски тенка
Драматична снимка од Појасот Газа се појави на социјалните мрежи, која прикажува исклучително храбар и редок момент од борбите во јужниот дел на оваа палестинска енклава.
Видеото, кое наводно датира од 8 јули и е снимено источно од Кан Јунис, прикажува палестински борец како сам излегува од зграда и се приближува кон израелски тенкови, а потоа вметнува експлозивни направи низ отворите и ги детонира.
Ова е ретко виден вид блиска борба во урбана средина, каде што борец во близина на тенкови ја користи предноста на познавањето на теренот и елементот на изненадување за да изврши смртоносен напад.
Снимката привлече големо внимание на интернет, и поради дрскоста на напаѓачите и затоа што го покажува интензитетот на борбите на терен, и покрај месеците израелски воени операции во Газа.
