Неверојатно откритие: Пронајдено морско чудовиште со три очи, ова се гледа само еднаш во животот (ФОТО)

Научниците ископале череп на огромно морско чудовиште – плиосаур, морски рептил кој ги тероризирал океаните пред приближно 150 милиони години, од карпите на брегот на Јура во Дорсет, пренесува Index.hr.

Овој череп, долг 2 метри, е еден од најкомплетните примероци од ваков вид досега откриени и им даде на експертите подобар увид во начинот на живот на овој древен предатор. 

– Тоа е еден од најдобрите фосили на кои сум работел. Уникатен е по тоа што е комплетен – изјави локалниот палеонтолог Стив Етчес за Би-Би-Си. 

– Долната вилица и горниот череп се споени, како што беше за време на животот на плиосаурот. Се сомневам дека има фосилен примерок со такви детали во светот. А и да има, обично некој дел недостасува. Секоја коска е зачувана на овој фосил – додаде тој.

Черепот е поголем од повеќето луѓе

Черепот е поголем од повеќето луѓе, а на него остануваат 130 заби. Предните се долги и остри. Самиот плиосаур бил долг помеѓу 10 и 12 метри. Имаше четири моќни екстремитети слични на перки со кои можеше да се движи со голема брзина низ океанот. 

– Ова животно беше толку масивно што можеше да улови сè што ќе намисли, – изјави палеонтологот Андре Роу од Универзитетот во Бристол. Плиосаурус можел да јаде разни големи животни или дури и други плиосауруси. 

Третото око

Муцката на фосилот е испреплетена со мали дупки кои можеби содржеле жлезди кои му помогнале да ја регистрира промената во притисокот на водата создадена од потенцијалниот плен. А на неговата глава има дупка во која се наоѓало париеталното, или третото око, кое денес го имаат некои гуштери, жаби и риби. 

Станува збор за светло чувствително око кое веројатно му служело на плиосаурот кога лови други животни, особено кога излегувал од длабоки, матни води. Ечес е убеден дека остатокот од морското „чудовиште“ се крие во карпите.

– Се обложувам дека е. Овој дел од карпата брзо се еродира. Нема да помине долго пред да се појават останатите плиосауруси. Тоа е можност која се дава еднаш во животот – рече тој.