Невролог: Избегнувајте да ги земате овие додатоци навечер

ИАКО често се препорачува земање додатоци во исхраната навечер, неврологот д-р Алан Мандел предупредува дека тоа не е секогаш добра идеја. Во видео, тој објаснува дека постојат одредени витамини што треба да ги избегнувате пред спиење бидејќи можат да влијаат на квалитетот на вашиот сон. Недостатокот на сон може да влијае на вашата концентрација, да го зголеми нивото на стрес, да придонесе за зголемување на телесната тежина и да предизвика други непријатни симптоми. Подолу се наведени некои додатоци во исхраната што не треба да ги земате непосредно пред спиење.

Витамин Б-12

Витаминот Б-12 е неопходен за производство на енергија и правилна функција на мозокот, но д-р Мандел советува да не се зема навечер. „Б-12 може да биде многу стимулирачки за централниот нервен систем и може да го наруши сонот“, истакнува тој. Бидејќи многу луѓе го земаат за замор и проблеми со концентрацијата, логично е дека неговите ефекти не би биле пожелни непосредно пред спиење.

Витамин Д

Исто така познат како „витамин на сонцето“, витаминот Д игра важна улога во здравјето на коските и имунолошкиот систем. Сепак, неврологот предупредува дека може да има негативно влијание врз сонот бидејќи се меша во лачењето на мелатонин, хормон кој ги регулира ритмите на спиењето.

,,Витаминот Д може да го отежни заспивањето и одржувањето на сонот“, објаснува тој.

Витамин Ц

Иако витаминот Ц е познат по тоа што го зајакнува имунитетот, неговото земање пред спиење може да биде контрапродуктивно. „Витаминот Ц може да предизвика гастроинтестинални тегоби, а ако го земете непосредно пред спиење, може да има благ стимулирачки ефект и да го отежни опуштањето“, вели д-р Мандел.

Витамин Е

Овој витамин често се користи поради неговите придобивки за кожата и косата, но може да предизвика и непријатни дигестивни тегоби ако се зема навечер.„Витаминот Е може да предизвика и гастроинтестинални проблеми кои можат да бидат непријатни и да го попречат сонот навечер“, забележува д-р Мандел.

Значи, ако сакаме да ги искористиме придобивките од овие витамини без ризик од нарушување на нашиот сон, д-р Мандел препорачува да ги земаме порано во текот на денот, идеално наутро со кафе.

,,Ќе ви даде многу енергија, ќе го подобри фокусот и, најважно од сè, ќе ви помогне да останете здрави“, заклучува тој.