НЕКОГАШ МОЌНАТА ФУДБАЛСКА ГЕРМАНИЈА ГО ДОПРЕ ДНОТО – “Ова е срамота, се срамам, ни треба помош…“

Германската репрезентација ја заврши турбулентната меѓународна година со заслужен пораз од Австрија. Целата приказна се сведува на една работа: по срамот во Виена нема ни трага од еуфорија.

„Од една страна, во вторникот вечерта на стадионот ‘Ернст Хапел‘ во Виена, можеше да се види екипа која беше брилијантно бодрена од нивните навивачи. По што беше проследен со јасен стил на игра и во кој можеа да се препознаат механизмите. Од друга страна – Германија. Без емоции и идеи. Помош и треба на нашата репрезентација, ова е срамота“, пишува разочаран Флоријан Плетенберг, новинар од германскиот Sky Sports и продолжува: „Последниот тест во годината е само симбол на катастрофалната година на германската репрезентација. Јулијан Нагелсман ? Жал ми е за него! Затоа што сега е јасно дека ДФБ предоцна се раздели со Ханси Флик. Јулијан Нагелсман имаше премногу малку време да ја пренесе својата идеја на само неколку месеци пред Европското првенство на овој тим. Затоа што оваа репрезентација не е тим, му недостига дух. Му недостига се за да ни донесе радост на ЕП. Ги има сите предуслови за тешка неуспех на ЕП и тоа во сопствената земја“.

Флоријан Плетенберг наведува и дека Германија во моментов е составена од преценети ѕвезди кои не функционираат добро како колектив.

„Тимот е составен од поединечни специјалисти кои не можат или не сакаат да формираат хармонична целина. Дел од него го сочинуваат играчи кои изгледаат целосно безволни, преценети и оптоварени. Овој тим дефинитивно не успеа да создаде чувство за оптимизам, ова е загрижувачко. Моментално се срами цела фудбалска Германија. Оваа репрезентација може да биде среќна што е избрана за домаќин на Европското првенство и што 16 од 24 репрезентации на ЕП можат да изборат место на нокаут рунда“.