НЕСРЕЌА ВО ПЕШТЕРА: Спелеолог лежи на 150 метри длабочина, при пад си ги повредил ребрата и зглобот, а спасувањето му траело ЦЕЛА НОЌ

Во Словенија се случила несреќа кога група спелеолози биле во пештера на Јеленово брдо. Во несреќата што се случи на подрачјето на Готеница, повреден е еден спелеолог.

Од полициската станица Љубљана соопштија дека околу 18 часот добиле пријава за несреќата.

Демијан Шинигои, менаџерот за спасување, изјави за порталот 24ur дека неговиот спасувачки тим почнал да се спушта во пештерата околу 21 часот.

Словенечкиот портал наведува дека спелеологот наводно паднал додека се спуштал во пештерата и останал на длабочина од околу 150 метри. Кога паднал го повредил зглобот и ребрата, тешко дишел. Групата со која бил во пештерата му пружила прва помош. Човечкиот живот не е во опасност.

Акцијата за спасување ќе трае цела ноќ

Шефот на спасувачката служба Шинигои вели дека интервенцијата секако ќе трае цела ноќ.

„Тесните грла на пештерата можеби ќе треба да се прошират за време на спасувањето“, изјави тој за 24ur.

Додека трае акцијата за спасување, полицијата продолжува да собира информации за околностите на настанот.

Пештерата на Јелен Брдо е долга 518 метри и длабока 192 метри, покажуваат податоците од пештерскиот катастар.

(JAMA) Nesreča v jami na območju Kočevja: Jamar padel okoli 6 metrov v globino in se poškodoval, reševanje poteka https://t.co/fFhuVx66Dw

— Večer (@vecer) February 21, 2024