„НЕ МЕ УБИВАЈТЕ, НЕ! Вознемирувачко видео: Хамас киднапирал студентка – Влегле во пустинската забава и киднапирале луѓе

На социјалните мрежи е објавено вознемирувачко видео од киднапирањето на млада Израелка .

Седејќи на предниот дел од моторот на терористот со раширени раце кон своето беспомошно момче, студентката Ноа Аргамани молеше за нејзиниот живот и врескаше: „ Не ме убивај, не, не, не “ – но напаѓачот побрза, а Ноа не е видена оттогаш..

Нејзиното момче Ави Нејтан е оставен во пустина, вознемирен и беспомошен. И тој исчезна без трага.

Родителите дури кога го виделе видеото дознале за киднапирањето

– Замислете како е за нејзиното семејство – искоментирал нејзиниот цимер од универзитетот, Амир Моади. Дека е киднапирана дознале дури кога случајно наишле на видео на интернет .

Заедно со стотици други млади Израелци, Ноа и Ави уживале на музички фестивал во пустината кога беа принудени да избегаат за да си ги спасат животите од Хамас.

Младите Израелци се собраа на музички фестивал во Кибуц Реим, во близина на Појасот Газа, за да го прослават крајот на верскиот празник Сукот. Сепак, забавата се претвори во хаос откако палестинците почнаа да гаѓаат ракети и да пукаат во толпата.

Таа не е единствената, десетици други наводно биле киднапирани и однесени преку граница во Појасот Газа. Снимките кои кружат на социјалните мрежи покажуваат како стотици луѓе врескаат и плачат додека пеш бегаат од местото на настанот, бркани од звукот на истрелите.

– Требаше да одам на забава во пустина, но во последен момент решив да не одам- рекол Амир, пријател на киднапираниот Ноа и додал:

„ Таа рече дека пукале во нив , но тие се сокриле“.

„Последен пат слушнавме со неа околу 10 или 11 часот утринава, кога на сите ни испрати порака дека терористите отвориле оган и ги бркаат сите , но дека и двајцата се безбедни и се кријат.

Како што појасни тој, од тој момент не се слушнале, а потоа на социјалните мрежи виделе застрашувачко видео од киднапирањето .

– Оттогаш немаме слушнато со нив, но потоа, за жал, на интернет видовме вознемирувачки видеа од нејзиното киднапирање. Семејството се согласува со нас да го објавиме ова бидејќи сакаат таа да биде ослободена и се надеваат дека некој ќе помогне. Нејзините родители се во шок и не можат ни да зборуваат . Таа е нивното единствено дете – изјави загрижена пријателка на киднапираното девојче.

Според нејзината пријателка, Ноа е прекрасна, позитивна жена, секогаш љубезна и сакала да патува. Таа штотуку се врати од Шри Ланка. Сите се во шок и не можеа ни да помислат дека вакво нешто може да се случи дома.

Најмалку илјада Израелци учествуваа на музичкиот фестивал, а некои од нив останаа во камп во пустина.

Потсетиме дека Хамас започна голем напад врз Израел рано во саботата со илјадници истрелани ракети и невиден напад од вооружени лица врз пограничните заедници. Досега загинаа најмалку 250 лица, додека во Појасот Газа загинаа околу 232 лица. Околу 1.800 луѓе се повредени во Израел, а околу 1.650 повредени добиле помош во Газа по ракетниот напад врз јужен и централен Израел. Хамас ја презеде одговорноста, а Израел прогласи воена состојба и започна контранапад.

Вооруженото крило на милитантната група Хамас денеска соопшти дека истрелало 150 ракети кон Тел Авив, пренесува „Ројтерс“. Претходно денеска, палестинската исламистичка група Хамас истрела голем број ракети кон јужните делови на Израел , а сирените се огласија во Тел Авив и Бершева.

Хамас соопшти дека при првото гранатирање биле истрелани 5.000 ракети, додека израелската армија објави дека биле истрелани 2.500 ракети.