“НЕ САКАМ ПОВТОРНО ДА БИДЕ ПРЕТСЕДАТЕЛ“ – Шокантна изјава на Олена Зеленска за Володимир Зеленски: “Треба да смислиме нешто ново…“

Олена Зеленска не сака нејзиниот сопруг, претседателот на Украина, Володимир Зеленски, да се кандидира за нов претседателски мандат.

„Не сакам повторно да стане претседател… Можеби во иднина треба да смислиме нешто ново“, изјавила Олена Зеленска во подкаст на британскиот The Economist, одговарајќи на прашање за плановите за иднината.

Претходно, беше објавено дека претставниците на сите фракции на Врховната Рада (Парламент), вклучително и партијата – Слуга на народот на Володимир Зеленски, потпишале изјава дека сметаат дека е невозможно да се одржат парламентарни или претседателски избори во земјата пред крај на војната во Украина.

Како што објасни еден од парламентарците, по потпишувањето на оваа изјава ќе биде многу потешко да се донесе одлука за распишување избори преку Врховната Рада.

Парламентарните избори требаше да се одржат на крајот на октомври, но нивното одржување стана невозможно бидејќи во земјата беше воведена и постојано продолжувана вонредна состојба од февруари 2022 година.

Според Уставот, претседателските избори во Украина треба да се одржат во пролетта 2024 година, но во украинските медиуми веќе подолго време се зборува за можноста за нивно откажување или одложување.

Како што истакна поранешниот премиер на Украина, Микола Азаров, властите мора да распишат избори три месеци однапред, односно до крајот на декември.

На почетокот на ноември, заменикот на Врховната Рада, Алексеј Гончаренко, објави дека Володимир Зеленски, наводно, наредил неговата канцеларија да започне со подготовките за изборите на 31. март. Оваа информација не е официјално потврдена.