„Не смееме да паднеме со духот“, изјави Столтенберг за војната во Украина

– Генералниот секретар на НАТО, Јенс Столтенберг, вчера ја повика Украина и нејзините сојузници да не паднат со духот додека војната меѓу Москва и Киев влегува во третата година.

„Ситуацијата на военото поле останува исклучително сериозна. Цел на рускиот претседател Владимир Путин да доминира со Украина не се смени и нема индикации дека се подготвува за мир“, рече Столтенберг и додаде:

„Но не смееме да паднеме со духот. Украина одново демонстрира извонредна вештина и жестока одлучност.“

Столтенберг напомена дека сојузниците од НАТО најавиле нови пакети помош во вредност од милијарди долари кои ќе ги покријат клучните капацитети, како што се артилериска муниција, противвоздушна одбрана и борбени чамци.

„Поголема поддршка е на пат. Украина ќе се приклучи на НАТО. Не е прашање дали, туку кога. Додека ве подготвуваме за тој ден, НАТО ќе продолжи да стои покрај Украина“, истакна Столтенберг.