Николоски: Одредени структури во Судскиот совет и Обвинителството даваат силен отпор

Одредени структури вградени со децении во Судскиот совет и во Обвинителството даваат силен отпор. Но во редовна законска процедура во Собранието ќе бидат разрешени. Граѓаните очекуваат ред и правда, а оние што згрешиле ќе одговорат на новинарското прашање. Премиерот Александар Николовски.

Како што нагласи, ова е процес за кој граѓаните имаат најголеми очекувања, но за жал се развива со динамика спротивна од очекувањата на граѓаните бидејќи, како што рече Николоски, структурите во овие институции се поставени повеќе од три децении и даваат силен отпор.

„Граѓаните очекуваат ред и правда, но за жал тоа не го обезбедува ниту Обвинителството ниту судството. Тоа не значи дека сите што работат таму се неспособни или корумпирани, туку мала, добро поврзана клика со политички и бизнис мотиви го уништува целиот систем и затоа сакаме да воспоставиме ред. Првиот чекор беа интерпелациите на членовите на Републичкиот судски совет. Очекував и дента кога ќе ги поднесат интерпелациите да си поднесат оставки бидејќи мнозинството што ги избра веќе не постои и не само што го нема, туку претрпе катастрофален пораз на парламентарните избори, што значи дека волјата на народот е јасна.

Но наместо тоа, решија да приговараат, ќе одиме на постапка за импичмент во Собрание и тие ќе бидат разрешени. Слично е и со Обвинителството. И таму има отпор, но тој е само месец-два. Правдата ќе ги достигне сите што згрешиле. Можам само да кажам дека за секторот што го раководам имам поднесено над 29 кривични пријави и иницијативи до надлежните институции и досега не е спроведена ниту една, што многу покажува како и што работат. Слушаме многу ветувања, но мала реализација“, изјави вицепремиерот Александар Николоски