Нов банкрот во Германија: Производителот на автомобили престанува со работа, компанијата е должна на сите страни, а последните работници отпуштени

Германскиот производител на автомобили Соно Моторс дефинитивно е пред банкрот, додека последните вработени се отпуштаат.

Компанијата од Минхен уште во мај поднесе барање за стечај , но оттогаш не можат да најдат инвеститор, а им остануваат само уште неколку дена да избегнат банкрот на тој начин.

Но, бидејќи има мали шанси за такво нешто, веројатно е дека договорите со преостанатите вработени ќе бидат раскинати. Според германските медиуми, откажувањата најверојатно ќе стапат на сила на почетокот на 2024 година.

Компанијата првично беше специјализирана за производство на електрични автомобили кои се полнат преку вградени соларни ќелии. Со оваа иновативна технологија, моделот на возило „соно сион“ требаше да се истакне како лидер во однос на климатските промени на автомобилскиот пазар.

Sono Motors веќе има добиено околу 44.000 пред-нарачки за планираниот автомобил.

Новиот автомобил требаше да се појави на пазарот следната година по набавна цена од 30.000 евра. Интересот за соларниот автомобил беше голем, а некои клиенти веќе платија целосно или дел од цената за автомобилот пред моделот да биде официјално достапен.

Многумина моментално залудно го чекаат ветениот автомобил и сега мораат да се грижат дали ќе си ги вратат парите поради банкрот .