НОВ ПРОБЛЕМ НА Твитер! Што всушност се случува со ИЗБРИШАНИТЕ ПОРАКИ?

Некои корисници на популарната социјална мрежа Твитер пријавуваат необичен проблем кој го забележале на своите профили.
За многумина од нив, пораките кои претходно ги избришале повторно се појавиле на нивните профили, предизвикувајќи збунетост и фрустрација.

Овој проблем, кој зафати илјадници корисници, беше забележан и со ретвитовите. Корисниците забележале дека повторно се појавуваат ретвитови, кои претходно ги отстраниле од нивните профили, со што се добива впечаток дека активностите кои претходно ги избришале се повторно актуелни. Според Engadget, станува збор за околу 34.000 објави кои се вратиле откако биле избришани.

Засега не е јасно која е причината за оваа појава, но евидентно е дека станува збор за поширок проблем што се однесува на функционалноста на самиот Твитер. Корисниците се обратија до поддршката на Twitter за да го пријават овој проблем, надевајќи се на брзо решение.

Ова е тривијално прашање за многумина, но кажува многу за тоа како една компанија се справува и ги штити вашите лични податоци. Поранешен инженер за доверливост и стабилност на Твитер изјави за Мастодон дека проблемот „звучи како да преместиле еден куп сервери помеѓу центрите за податоци и не ја прилагодиле правилно топологијата пред да ги вратат на интернет“.

Нема начин да се знае ништо официјално од таборот на Твитер, бидејќи Илон Маск претходно го распушти својот оддел за односи со јавноста.

Иако пораките и ретвитовите што повторно се појавија се главно безопасни, некои корисници изразија загриженост за можноста нивната приватност да биде загрозена или содржината што е намерно отстранета да биде повторно објавена.

Со оглед на големината на корисничката база на Твитер, проблемите како овој може да бидат значаен предизвик за техничкиот тим на мрежата. Но, корисниците се надеваат дека Твитер ќе ја препознае важноста на овој проблем и ќе ги преземе неопходните чекори за да ја обезбеди безбедноста, приватноста и довербата на корисниците.