НОВ СКАНДАЛ ВО ХРВАТСКА! Шефот на обезбедувањето на Баножиќ ден пред трагедијата го удрил СЛУЖБЕНИОТ АВТОМОБИЛ!
Шефот на обезбедувањето на разрешениот министер за одбрана Марио Баножиќ на само еден ден пред трагедијата кај Винковци направи сообраќајна несреќа!
Јутарњи дознава дека сообраќајната несреќа се случила на патот Маринци-Богдановци и дека во службеното возило била шефицата на протоколот во Министерството за одбрана Наташа Пејчиќ Шушковиќ и неименуван припадник на хрватската воена полиција .
Од министерството наведуваат дека во сообраќајната несреќа во петокот учествувале два автомобили и дека нема повредени, а ниту еден од возачите не бил под дејство на алкохол.
-Полициските службеници му напишале парична казна на возачот (56), за кој е констатирано дека ја предизвикал сообраќајната незгода, која веднаш ја платил – соопштија од полицијата.
Според медиумите, возачот на службениот автомобил на министерството возел пребрзо и е казнет со 130 евра.
Пејчиќ Шушковиќ и шефот на обезбедувањето на поранешниот министер тој ден се враќале од Богдановац, каде Баножиќ учествувал на митинг.
-Вработен од секторот за протокол на Министерството за одбрана и припадник на вооружените сили кои биле во возилото биле на службена должност – соопштија од министерството.
Возачот, кој е шеф на обезбедувањето на поранешниот министер, е припадник на воената полиција, а Јутарњи наведува дека припадниците на воената полиција возат и го штитат само министерот за одбрана и дека тоа значи дека не смеел да го вози началникот на протокол.
Пејчиќ Шушковиќ е цивил и според прописите треба да ја вози цивилен возач, но соговорниците на Јутарњи тврдат дека шефот на протоколот, мислејќи на овластувањата на министерот, често отстапувал од правилата.
Баножиќ (44) е тешко повреден во сообраќајна несреќа што се случила во саботата околу 06:00 часот кај Винковци кога директно се судрил со комбе кое доаѓало од спротивната насока додека камионот претекнувал.
Во таа прилика загинал возачот на комбето.
