Објавена новогодишната кошничка, за 600 производи ќе има намалување – ќе важи еден месец

Новогодишната корпа ќе вклучува повеќе од 600 производи и ќе трае од 15 декември до 15 јануари. Се очекува да ги намали цените на производите за 10 или повеќе проценти.

Списокот на производи, како што изјави денеска премиерот Христијан Мицкоски, е договорен заедно со стопански синдикати, компании, производители, дистрибутери и трговци.

„Направивме нешто што веројатно никогаш досега не било направено – сите заедно разговаравме некое време и за време на тие разговори дојдовме до компромис. Сите се согласивме дека во периодот од 15 декември до 15 јануари ќе се намалат цените на повеќе од 600 артикли и ќе бидат означени со ознаки „Помалку трошоци, повеќе за вас, ние се грижиме“, рече Мицкоски на денешната прес-конференција.

Нагласи дека не се работи за владина интервентна мерка со ценовно ограничување, туку за консензуално решение, за кое нема да има казна, туку ќе се следи дали налепниците ќе бидат залепени на оние производи што се видливи за граѓаните.

Во забелешките на новинарите дека на списокот на производи во новогодишната кошничка се наоѓаат производи чии цени се зголемени во изминатиот период, премиерот Мицкоски му порача на директорот на Пазарниот инспекторат да провери какви се цените сега на пазарот и дали ќе се намалат за истите производи.